香港昨日從疫區名單中除名，昨日返港的郭富城亦希望北京可繼香港後盡快除名。
陳慧珊 ：好開心，今次係個好好嘅經驗，我哋咁團結係值得驕傲嘅。之前四月我屋企人都諗住返香港一家團聚，不過因為沙士都冇嚟到。
魏駿傑 ：之前我每日用消毒藥水洗成廿次手，搞到十隻手指都有事要睇醫生。我希望大家唔好鬆懈，要注意衞生，我都會留喺香港消費。
黃凱芹 ：我唔係好贊成搞慶祝活動，因為仍然有人留院，同埋將來再有人去世嘅話，呢個慶祝活動就會變得好肉酸。而且我認為對垃圾蟲嘅罰款唔夠高，萬五蚊就差唔多。
郭富城 ：我好開心香港喺疫區名單除名，但唔知幾時輪到北京，我都希望北京可以好快同香港一樣可以除名，我日前去北京做騷，都見到冇乜人戴口罩。