繼日本三菱車廠全新Grandis車系，喺推出後嘅短時間內賣個滿堂紅後，份屬同鄉嘅富士汽車，旗下新款Legacy車系亦備受車迷追捧，於上月底正式推出後嘅短短10日時間內，廠方已收到7,000張定單，比起廠方所預計嘅每月銷量目標，還要多出一大截呢！
喺廠方嘅新聞稿中指出，訂購旅行車版本嘅數目，佔7,000張定單總數嘅81.4%，而其餘18.6%則係訂購四門房車版本；車身顏色方面，定單中嘅41.2%係選用BrilliantSilverMetallic，其次係佔17.3%嘅ArcticWhitePearl，同埋佔定單總數13.7%嘅ObsidianBlackPearl。廠方相信能有如此佳績，係與新款Legacy無論外形、車廂設備及機械配搭方面，都有不錯表現有關；唔知當香港代理正式將之引入時，又會否創出另一番好成績呢？