Beyond前晚演出加場演唱會，特地錄製一段掟爛結他的短片，還打出字幕稱此乃儍人行為，後來黃家強又做出反V粗口手勢代替平日愛做的和平手勢，兩者似乎都有影射謝霆鋒之嫌。
前晚Beyond在紅館演出加場的《Beyond超越Beyond演唱會》。一直自言是Beyond歌迷的謝霆鋒，早前在慈善音樂會掟爛結他，Beyond為此曾表現不屑，前晚更播放一段寸霆鋒掟爛結他的短片。
片段是有關Beyond三子練唱《金屬狂人》，站在中間的葉世榮先以湯殼及鮑魚刷打鼓，黃家強及黃貫中（阿Paul）則彈結他，音樂突然停止之後，家強與阿Paul便掟爛結他，世榮則逐個將鼓打破，阿Paul後來還拿起爛結他扮彈奏，最後螢幕打出「以上全屬儍人行為，如非儍人切勿模仿」字句，似乎有意揶揄喜歡掟結他的謝霆鋒是儍人。
問Beyond短片是否影射霆鋒？家強說：「搞吓笑啫，現場做實俾人嘈，啲結他本身已爛，我哋唔使影射人。」阿Paul則說：「梗係爛嘅先丟㗎啦，我哋冇暗寸人呀，自認係金屬儍人咋。」
事後家強在慶功宴上舉起反V粗口手勢拍照，代替平時慣用的和平手勢，問他為何轉手勢，家強說：「唔擺嗰個呀，俾人擺到爛晒。我兩隻手舉晒咪負負得正，唔粗口囉。」阿Paul也跟着擺出同一手勢。有指霆鋒也喜歡學Beyond做和平手勢，未知家強此舉是否又是指向霆鋒呢？
採訪：王連連 攝影：林德雄
