政府同董太成日叫人食嘢之前要「洗手、洗手、洗手」，但係民政事務局局長何志平就唔係好聽話，噚日參加「自然本色旅行團」時，有個靚女送個蘋果畀局長食，唔知局長係唔係俾個靚女電親，手都唔洗就即刻食。
之後局長到索罟群島嘅大鴉洲參觀自然生態，重放紙鳶輕鬆吓。局長話自己細個嗰陣，放學後就會喺天台放紙鳶。八方見何局長技術唔錯，點知有「線人」話畀八方知，有人幫局長「起鳶」，佢先放得咁好。萬事起頭難，何局長做事要親力親為呀！
（圖）全靠有人幫手「起鳶」，何局長先可以玩得咁開心。
傳真︰2623-9278
電郵︰