22歲的Cherry，算是全港第三位滑水女教練，但兩位前輩已很少開班授徒，反而Cherry就不懼男教練雄霸滑水天下的現實，個多月前勇闖陣地。可是，男女有別的概念太過根深柢固，不少學生都質疑她是弱質女流，「你得唔得㗎？」擺明唔妥女仔教人！不過，自問有料的Cherry為證明自己非泛泛之輩，決定挑戰男人Roy，大玩花式！只想證明女教練也絕不遜色！
記者：梁佩芬 攝影：陳陶鈞
女仔玩花式，最困難是體力問題，就算外國女滑浪高手，做到的花式都只是男人的四成左右，我們就先來看看Cherry露兩手。
再看看與Cherry一樣學了三年滑水的Roy，示範同一系列的動作，看看是否男女有別。
Cherry覺得，教滑水最緊要有耐性：「每個人理解能力都不一樣，試過五個女仔一齊學，兩人試兩次就成功起水，另兩個試咗半個鐘先OK，還有個講極都唔明，玩咗成日，都做唔到！惟有由頭再教過，可能我係女仔，明白佢哋嘅需要，唔會鬧。」果然，在Cherry細心指點下，兩位學生綺雯及阿姜已初見成績。
曾教過梁朝偉滑水的明星教練何偉洪，也是Cherry的老師，學生當教練，他的告誡是：「一定要操Fit體能！」因為一教人就一整日，又要講又要做示範，精神過度透支，比自己玩足一日還攰，正因如此，香港甚少滑水女教練，外國亦不太多。Cherry也同意偉洪的意見：「初頭做教練，直落三個鐘，又要留意學生姿勢，又要揸船，返到上岸，全身散晒！以前玩成日都無咁辛苦！」幸好，現在慢慢適應過來，不過這天剛教完兩名學生，還頻說：「好攰！」看來，這份工真不易為！
學費：$500/小時，最多五人，包所有裝備及快艇，泳衣除外。
電話：97092824
跟Cherry學了一個月的阿姜話：「我唔知男女教練有多大分別，總之教識我就係好教練，既然係咁，倒不如搵個女仔教，無咁尷尬啦！好似M到，話畀女仔知都得啦！而且，佢會明白女仔學Wakeboard的難處，教你都用心啲！更重要係，Cherry教人學費算平，同Friend夾份，非常抵！」
阿姜學了兩堂，大約六個鐘，就完全掌握起水動作，三次得一次失手，重學會「行蛇仔」等簡單花式。Cherry明白，玩得滑水都係求刺激，所以學生起水做得好後，就會教花式，第一招先來個S形滑水，女仔學比較容易，因為唔使用力。
女仔做甚麼都會姿整過人，連滑水也不例外，所以裝備都多過人。滑浪板方面，女生用的比較短小及輕，要買板先問清楚是否適合自己用。至於防曬同靚靚，更加是必然考慮的問題。
Skywake 電話：25180803
地址：深灣布廠灣道18號