年年回歸紀念日期間，都有唔少宣傳《基本法》如何成功落實嘅官方活動，「基本法推介聯席會議」更係年年搞圖片展同問答比賽，噚日「基本法問答比賽」，做嘉賓嘅政制事務局局長林瑞麟帶埋十三歲嘅囡囡林懿琪嚟，見到有份出席活動嘅方力申，林小朋友好開心拉住偶像合照。
今年撞着二十三條惡法，八方見「基本法問答比賽」中嘅冠軍馮文傑同季軍馬啟然，都不約而同覺得政府諮詢不足，考慮參與七一反二十三條大遊行。
連對《基本法》滾瓜爛熟嘅得獎者都話政府唔啱，八方問林瑞麟點睇，林局長竟然話佢哋遲啲就會明白政府並冇損害港人權利！唉，咁樣顛倒是非，唔怕教壞阿女咩？
（圖）林瑞麟女兒林懿琪，好開心拉住偶像方力申合照。
傳真︰2623-9278
電郵︰