【本報訊】「點解媽咪每個月手指都會流血嘅」、「媽咪，點解你個肚腩咁大嘅」，孩子們提出的性疑惑問題，是每個母親都會要面對和回答的問題。若家長感到尷尬而逃避，子女便會真的將染血衞生巾視為母親的手指每個月都流血，或將乳房誤認為是肚腩。
在一個「如何與子女談情說性工作坊」上，多位女性分享被孩子「為難」的經過。Connie是兩個女兒的母親，她憶述囡囡曾問「我點嚟㗎？」，她因為尷尬而回答：「垃圾桶執返嚟！」，結果令囡囡不開心。Connie笑說：「個女大咗同我講，原來佢嗰時真係以為自己喺垃圾桶出嚟。」
Betty本身是社工，求學時學校沒有性教育，所以希望透過今次工作坊學習如何與子女談性。她直言：「政府喺我地呢一代無推廣性教育，但其實性教育係每個人都必須要知嘅，我都唔明點解連大專都唔教。」
舉辦工作坊的青少年愛滋教育中心創辦人程翠雲表示，現代社會上充斥着性資訊，孩子很早便會接觸到性，家長需要學習如何向子女灌輸正確的性知識。
她認為，不少家長面對子女問及性問題時，都害怕講多錯多，但家長應以子女的年齡與好奇心作準則，「睇吓小朋友有無追問囉，如果佢唔追問，即係佢已經滿足咗好奇心，咁父母就可以停，唔使繼續講。」