最近外國方面有消息傳出，話德國寶馬車廠會於嚟緊一屆法蘭克福車展上，展出全新X3車系後，又會於2004年底前推出全新1系，從而希望增強旗下車系嘅市場佔有率。
從預想圖中可以睇到，全新寶馬1系將會用上掀背式設計，其中車首造型重帶有點同廠新款5系嘅味道，而一對炯炯有神嘅頭燈組合，重能夠於晚間行車時，為你帶來充裕嘅照明。但由於新車仍屬設計階段，故車廂配搭資料，仍有待廠方公布後方可作實。另外，該消息亦指出廠方將會為新車安排有三台引擎供用家選擇，包括1.6公升（105匹）、1.8公升（116匹）及2.0公升（143匹）型號，當然唔少得重有M系高性能跑版啦！各位車迷，記住留意新車確實推出日期喇！