梁詠琪（GiGi）和陳曉東前晚錄影無綫節目《勁歌金曲》。謝霆鋒早前批評《勁歌》是垃圾節目，估不到東東跟霆鋒意見相近，前晚他表示較欣賞現在《勁歌》的形式，因為不用在節目中玩遊戲。不過梁詠琪就要在《勁歌》中扮日本妹。
梁詠琪、陳曉東及MiniCookies等，前晚在無綫將軍澳電視廣播城錄影《勁歌金曲》，東東更是GiGi點名邀請的表演嘉賓。對於謝霆鋒早前曾公開批評作為音樂節目的《勁歌》要玩遊戲，是「垃圾」音樂節目，東東亦認為參加音樂節目不應玩遊戲。
霆鋒早前為宣傳新歌再上《勁歌》，但他卻得到優待不用扮嘢。東東前晚錄影《勁歌》時，也不用扮嘢演出，反而同場的GiGi要扮日本妹唱日文歌。東東說：「我鍾意𠵱家嘅《勁歌》形式，因為好似小型音樂會，令歌手有舞台感覺，我不嬲都唔鍾意玩遊戲，每個歌手上台都係想唱歌。」問到東東可覺自己的意見跟霆鋒一樣時，他說：「係我玩遊戲唔叻，我都唔抗拒嗰種形式。」東東日內前往台灣宣傳台劇《倩女幽魂》，屆時不但會演繹劇集歌曲，更會翻唱張國榮的舊歌。
GiGi前晚跟東東先後合唱了《高妹》和《偏偏喜歡你》多首歌曲，由於沒有安排現場觀眾，為了效果完美，GiGi多番要求重錄。
GiGi前晚穿上背心唱歌時，內衣的摺痕令她鬧出凸點疑雲，她昨日出席節目《明愛金禧暖萬心》時表示：「一定唔會係凸點，我着呢件衫打咗三層底。」問到GiGi會否抗拒《勁歌》的扮嘢演出時，她說：「我唔抗拒扮嘢，都係娛樂人啫。可能各人嘅價值觀都唔同，我對霆鋒以前扮Puffy個look印象好深刻，真係好好笑。」
採訪：卓美娟 攝影：甄朝健
