美國權威娛樂雜誌《EntertainmentWeekly》前日刊登咗每年一度嘅「ItList」。乜嘢係「It」?其實「It」係解做至in、至流行嘅嘢。今年《EW》就選咗《變種特攻２》嘅澳洲型男曉治積曼（HughJackman）做「ItList」嘅封面人物，曉治重俾人選埋做「至It男主角」㖭！
形象麻麻嘅希爾頓家族後人ParisHilton，今次被選做「至It有錢八婆」，真係眾望所歸，點解？Paris有一句經典名言，奠定咗佢嘅「八婆」地位，佢話：「我唔明點解啲人話非洲嘅飢民冇麫包食，乜佢哋唔可以食蛋糕嘅咩？」另外，喺電影《魔戒》系列裏面做精靈族王子勒苟拉斯嘅奧蘭多布魯（OrlandoBloom），係出名嘅靚仔，「ItList」一定有佢份啦！今次佢就俾人選咗做「至It精靈」。
至於貓王個女麗莎瑪莉（LisaMariePresley）就成為「至It後裔」。不過我羅拉最鍾意嘅《特務A》靚仔男星米高華頓（MichaelVartan），居然俾人選咗做「至It秘密情人」，擺明寸佢同離咗婚嘅珍妮花嘉娜（JenniferGarner）有路啫！