楊千嬅、方力申(Alex)、鄧健泓(Patrick)及MiniCookies，昨日下午到荷里活廣場出席「公民教育常識問答比賽」。
對於早前鄭中基曾表示與千嬅已有共識，二人暫時維持友好關係，但不排除再有發展空間一事，千嬅表示：「總之任何人未結婚都有發展空間，任何人約我食飯都會去，因為咁樣可以振興香港經濟。總之我目前會以事業為重，如果有結果大家到時就會知，所以無謂講呢啲假設性問題。」而千嬅亦透露幾日後便約滿，她說：「無論點我都會睇住黃柏高做人。」
而方力申就表示八月要到韓國參加世界大學生運動會，由於可能要逗留十三日，所以未知公司會否批准，Alex說：「因為我八月要出碟，所以唔可以去咁耐，我都好怕公司知道之後會詐型。」
採訪：李珮洳
攝影：林德雄