四十歲的阿聰，近月失業後與七十歲父親生活陷困，靠朋友借錢餬口，目前身上只剩下數十元，境況堪憐。
「以往我每個月都可以畀千幾蚊家用阿爸，自從四月中冇嘢做之後，我唔單止冇能力供養阿爸，重要不斷問朋友借錢應付食用，真係好困難！」阿聰向記者歎道，現時他拖欠一個月屋租，快三餐不繼，令他深感彷徨無助。
阿聰一向任職飲食業侍應，是家中經濟支柱，與老父相依為命。奈何這幾年本港經濟不景，阿聰只覓得以日薪「出糧」的酒店餐廳侍應工作，收入大減；近月更因酒店縮減人手，令阿聰加入失業大軍，與父親生活頓陷困境。
「我已經努力周圍搵工，好似做速遞員同officeboy（辦公室助理）嘅工我都去應徵，可惜每份工面試之後通通冇消息，連去見工嘅車費都嘥唔少！」阿聰無奈地說。
有見阿聰經濟緊絀，面對拖欠屋租困境，蘋果日報慈善基金即時撥款三千元，助他解燃眉之急。讀者如欲介紹餐廳侍應或辦公室助理工作給阿聰，可致電本報：29908688。
捐款編號：C0998
暖流熱線
電話:29908688
傳真:23702192
電郵:
網址：