鄭經翰封咪，搞到廣管局個投訴電話響過不停，大班支持者真係多；前日更有「一班沒有組織的忠實聽眾及真正愛護香港的普通市民」，在報紙登半版廣告，去「支持」鄭大班；重叫大班要「言出必行」，真係「功成身退」。
呢個「支持」廣告，明眼人一睇就知係贈興之作。但究竟邊個咁有心，又出錢（廣告費唔平）又出力？八方於是四圍打聽，有高人話所謂「一班」，或者只係兩位；所謂「普通市民」亦並不普通，男嘅係法律界猛人，女嘅係名人，以前養過馬。貼士雖少，但各位讀者咁聰明，應該估到啩。
傳真︰2623-9278
電郵︰