NIKE青少年籃球聯賽
港籃代表醒你「突圍」貼士

五千人報名、三千人遴選，但卻只有二百一十六人入選，要成為每年一度的「NIKE青少年籃球聯賽」（簡稱NIKEleague）一分子，就要經過連番考驗；香港籃球隊代表胡國鋒同呂楚威，今年就打而優則教，執教男子十九歲以下組球隊，就等兩位教下即將參加第二輪選拔的青年好手，點樣突圍而出，披上NIKEleague戰衣。

鼓勵隊友會加分
港隊控衞胡國鋒說：「我挑選球員的準則當然是技術行先，不過球員遴選時間只得十幾分鐘，要真正了解球員特性唔容易；但球員如果表現出合作性、肯鼓勵隊友，喺教練心目中梗會加分。」而港隊小前鋒呂楚威就說：「我喜歡以高大球員為球隊重心，所以揀人就先留意『高佬』，睇吓佢哋籃底動作純唔純熟，畢竟打『𡃁仔波』，控制內線就容易贏。」

夠落力一樣掂
如果身材唔高、技術一般，被挑選的機會又是不是很渺茫？兩位教練異口同聲表示，球員只要落力搭夠，表現進取，都會考慮挑選入隊。