勞工處處長陳甘美華（圖）嘅去向終於有定案，政府噚日宣布陳太將會喺本月三十號出任民政事務總署署長，接替喺去年七月一號出任民政事務局常任秘書長嘅李麗娟。至於勞工處處長一職，就會由經濟發展及勞工局常任秘書長張建宗兼任。
陳太喺勞工處做咗三年，雖然外界對佢嘅評價唔係好高，不過有勞工界就私底下形容佢係一個冇架子、好和善嘅官員，肯聽取意見，無論大小工會約佢，佢都好少甩拖，但唔好彩撞啱本港經濟持續低迷，令佢表現受到影響。八方希望佢轉到新環境工作，可以發揮所長、工作順利，更上一層樓。
傳真︰2623-9278
電郵︰