有人開舖為了夢、為了賺錢，但Joko卻另有目的。她自小已覺得男女要均等，對於女性地位受歧視時更會出言平反，「我開舖係要證明畀人睇女人都唔係嘢少，我哋女人都有能力。」她現在擁有自己的精品店及化妝學校，相信她的目的已達到。
記者：黃婉冰
攝影：周旭民
「我自己係潮州人，屋企重男輕女，細細個已經見到好多人對女性有歧視。中一有次上堂，阿Sir話中國最好就係可以一夫多妻，當時我好嬲，即刻拍枱鬧佢，佢要我寫悔過書又見校長，我都係唔肯認錯，我會為咗自尊同公平去爭取。」
性格雖剛強但並無令身邊男人嚇怕，反而她找到一個會默默支持自己的男友，「好彩男友識得平衡，佢唔會怕我叻過佢，好支持我，會希望我會繼續努力，將所有能力盡量發揮，呢個亦係我欣賞佢嘅地方。」
她表示當初開舖除了是夢想外，亦是為了證明自己的能力，「開始時雖然經營得好辛苦，但反而成為動力，推動我繼續頂落去，𠵱家我只希望可以將精品店搬去樓上舖，再將美容事業打入大陸市場已經好滿足。」