蘭桂坊前晚舉行「魔鬼夏日派對」，吸引城中名人和女星出席狂歡。眾女星無視大會的紅魔鬼衣着主題，紛紛以性感打扮亮相，其中暴肥十多磅的翁虹以一襲黑色透視小背心成功搶鏡，藉機會招來纖體公司的垂青。
蘭桂坊前晚舉行「魔鬼夏日派對」刺激本地消費，請來性感女郎扮紅魔鬼即場大派避孕套搞氣氛，又以熱辣辣火紅色為衣着主題，廣邀嘉賓出席派對。
不過一眾女嘉賓如翁虹、溫碧霞和趙靜儀等無視派對的衣着主題，出盡八寶鬥性感。其中翁虹的一身黑色釘珠透視裝最性感，奇峯突出的她更在胸前夾上手提電話搶鏡，她說：「手機係朋友送嘅，我夾住喺度順便幫佢宣傳吓，都吸引咗幾個朋友買㗎，不過我冇佣分㗎。」
談到近況，翁虹表示因SARS留在家的時間多，所以暴肥了十多磅，她說：「𠵱家一百一十七磅，我嘅上圍一向係Dcup，後來因為減肥就不斷降cup，試過Bcup，不過𠵱家肥番，又變番Dcup。我每日都keep住做瑜伽、游水減磅。」翁虹又透露有纖體公司搵上門斟她拍廣告，但由於她忙於拍劇，所以沒有時間洽商。
名媛杜黃韋娘與前夫所生的兒子王憲文偕妻Pascale一同赴會，穿上火紅魚網上衣的Pascale是少數符合大會主題衣着的嘉賓，懷有七個月身孕的她更穿上四吋高跟鞋，行斜路時一步一驚心，她說：「我一定蹺實老公，唔放手㗎。」
而黃伊汶以小背心示人，她說：「我絕迹disco一年，今次嚟呢度好興奮，我嚟𠝹仔㗎！以前喺加拿大嘅時候好放縱，十二、三歲已經去disco飲酒望男仔，我好飲得，花名係『千杯不醉』。」
採訪：JessicaNgan
攝影：ChanChiLam
