德國寶馬車廠近年新車可謂一浪接一浪，先有Z4開篷跑車及新一代7系豪華房車，跟住又有Facelifted新版3系Coupe及Cabriolet；到最近，廠方宣布將於今年9月舉行嘅法蘭克福車展上，展出備受車迷注目嘅全新X3車系，並可望於明年春季正式推出。
呢款走SAV（SportActivityVehicle）嘅全新寶馬X3車系，其外形與曾在多個國際性車展上，所展出嘅xActivity概念車相近，當中全新鬼面罩及頭燈配搭，令造型變得極富吸引力；同時，長軸距布局亦能為車上乘客，帶來寬敞闊落嘅乘坐空間，而闊大車窗更可予人有廣闊視野範圍。機械配搭方面，廠方將會為全新X3配用一台3.0公升直6電油引擎，馬力輸出高達231匹，並會配以全新XDrive系統，以增強行車表現㖭！有興趣嘅車迷，不妨拭目以待喇！