面對新生命的降臨，應該是雀躍萬分，但對於剛剛失業的侯先生來說，卻是百般滋味在心頭。「突然間冇嘢做，搞到所有計劃都亂晒，𠵱家我嘅環境真係可以用『惡劣』嚟形容。」侯先生歎着氣說。
四十八歲的侯先生，事業上屢經起跌，他擔任私人司機已有二十多年，但一場金融風暴，令他失去工作機會。已屆中年的侯先生，一年前轉行任職的士司機，希望闖出新路。「最初都冇乜問題，扣除咗車租、油錢，每日都搵到三、四百蚊，慳慳哋都夠使，點知一場『沙士』，搞到生意一落千丈，無啖好食。」
侯先生表示，最惡劣的時候，生意額連車租也無法支付，每天要「貼錢」開工；更無奈的是，車主同樣備受經濟困擾，上月將的士賣掉；侯先生失去謀生工具，被迫再度加入失業大軍。
前年在內地娶妻，現育有一名兩個月大兒子的侯先生，是一家的經濟支柱，他突然失業，一家生活大受影響。「我太太原本喺百貨公司做售貨員，但大肚之後就冇做，𠵱家佢喺大陸，我同BB就喺香港，BB嘅尿片、奶粉錢我都要硬住頭皮問朋友借，好彷徨。」
侯先生刻下連租金及基本的生活費也無法應付，家中的電話亦因為逾期繳款已被截斷。「大人唔食，BB仔都要食，我都好難再開口問人借。」
蘋果日報慈善基金有見侯先生經濟緊絀，從「蘋果基金抗炎助人短期援助計劃」中撥款六千四百元助他應急。
侯先生捐款編號：C0996
「蘋果基金抗炎助人短期援助計劃」捐款編號：C0940
暖流熱線
電話：29908688
傳真：23702192
電郵：
網址：