關心妍（阿Jade）昨日接受新城電台「點整娛樂」電話訪問，對於有報道指關心妍母親出錢出力撐愛女，並經常流連溫哥華賭場結識有勢力人士，關心妍否認說：「全部都唔係真嘅，媽咪只係一直喺背後支持我，畀錢宣傳就冇。有咁多錢我就唔使做喇，況且佢同老闆羅生根本就唔識。」
關心妍的母親近期被指豪賭，對此阿Jade說：「我用人格保證我全家都唔鍾意賭錢，媽咪只係有時同屋企人打吓牌，而且佢只係喺溫哥華住過兩年，嗰邊根本冇生意，美容院都係香港開嘅。」阿Jade在訪問中不禁落淚，她說：「我入得呢行寫我可以接受，唔可以咁寫我屋企人，對媽咪好唔公平，佢只係一個女人，又冇害過人，唔想影響到佢，媽咪好辛苦咁養大我。」