馬會主席夏佳理攞咗個女皇勳銜CVO──維多利亞司令勳章都冇人知，可能因為佢一向為人低調，唔想咁揚，不過，八方再追查落去，原來有段古嘅。
話說喺十幾年前，當衛奕信重做緊港督嘅時代，有一次衛督邀請夏佳理做香港愛丁堡獎勵計劃成員，點知之後個主席同領導層唔咬弦，出現內訌……
之後到大約九一年，夏佳理就無端端做咗愛丁堡獎勵計劃嘅香港區主席。後來夏叔梗係好有表現啦，包括有次開大會，主辦國出咗事搞唔掂，最後由佢出馬搞掂。
夏叔係有料之人，當然令皇室另眼相看。二千年嗰陣，英女皇夫婿不再擔任全球愛丁堡獎勵計劃嘅主席，夏叔就立即被委以重任，當上呢個青少年獎勵計劃嘅全球主席。為咗嘉許夏叔嘅貢獻，女皇親自提名佢接受勳銜，不用他人推薦。
另外，噚日八方手快快，加多咗個of喺佢個勳銜度，真唔好意思，正確嘅名稱應該係Commander,TheRoyalVictorianOrder（CVO）。
傳真︰2623-9278
電郵︰