恒生銀行為咗個「智多Kid」戶口絞盡腦汁，噚日就公布，由今個禮拜日開始，連續二十六個禮拜，喺翡翠台做一個兒童節目《恒生銀行特約：精靈智多Kid》，去啟發細路仔細路女嘅八大智能。節目收視好唔好就要出街先知，但肯定嘅係，恒生好努力搞呢個節目，事關佢哋搵咗全港最貴嘅填詞人填詞。
「天真滿笑臉，好動事事問……不愛白日夢，但求人人疼，真精靈又最鬼馬」，以上係恒生銀行常務董事兼副總裁陸觀豪親自為節目主題曲填嘅詞，亦都係陸生第二次為呢個戶口寫歌仔。以陸生咁高年薪，去作一隻歌，八方諗都冇人貴過佢啩？
其實，恒生今次贊助呢節目並唔係第一次，可能你都記得，上一次……七十年代……bingo，就係好多人到𠵱家都記得嘅《溫故知新》囉！
傳真︰2623-9278
電郵︰