跟保時捷Cayenne有血緣關係嘅福士Touareg豪華SUV，早前代理經已秘密運嚟兩部新車，以作正式登場前嘅準備同驗車；由於呢部全天候CitySUV嘅Touareg，暫時廠方只提供一台3.2公升V6電油偈，以及一台5.0公升V10柴油Turbo偈關係，所以本地市場亦只能有前者推出。雖然以性能作比較，Touareg跟CayenneS同CayenneTurbo相差一大截，惟強悍嘅車架及底盤結構，匹配上可調校車高、避震軟硬度及高扭力四驅選擇，還有一個剛勁富魅力嘅賣相，兩者可謂不遑多讓；再講，亞Mark聽聞福士Touareg會分有兩個型號，車價定位都不過50多萬起，相比起同級寶馬X5及平治ML車系，以其優越嘅操控性同全天候能耐，看來重要睇高一線㗎！
據知代理快將於7月推出呢款全新Touareg，年尾重會推出配用現有新版奧迪A84.2所採用嘅4.2公升V8偈，而售價則約為70多萬；有興趣嘅SUV用家，就不妨拭目以待喇！