甄妮曾批評現今歌手的演唱會太多花臣，她將於今年十一月在紅館舉行三場演唱會，由於早前發生林子祥意外墮下舞台機關事件，甄妮決定今次個唱以聲色藝為主，並邀請鍾鎮濤和日本實力歌手西城秀樹擔任嘉賓。
今年紅館認真熱鬧，繼盧巧音、Beyond、汪明荃、譚詠麟和李克勤等歌手舉行演唱會後，已多年沒有在港舉行演唱會的甄妮，亦暫定於今年十一月二十至二十二日，假紅館舉行個唱。
甄妮近日密密跟製作單位恒藝亞洲負責人丘亞葵開會，商討如何將演唱會辦得有聲有色。
早前林子祥擔任汪明荃演唱會嘉賓時，意外跌落舞台機關，撞傷後腦。甄妮事後曾表示演唱會不宜搞太多花臣，因此，甄妮今次的個唱會以聲色藝為主。
據丘亞葵透露，現時構思演唱會將力邀各地實力歌手擔任表演嘉賓，包括鍾鎮濤（阿B）、日本長青歌手西城秀樹、來自台灣的費翔和費玉清等。
丘亞葵說：「暫時個構思係甄妮禮聘四大型男演唱，稍後我哋會同西城秀樹及阿B佢哋接觸，如果可以嘅話，我哋重想搵多個外國歌手，但暫時未諗到搵邊個。」
甄妮為求以最弗身形示人，已積極減肥，近日瑪花力邀她擔任代言人，免費贊助她減肥，甄妮這次可算是一舉兩得！
採訪：戴彩煥