民政事務局局長何志平一邊推行賭波合法化，一邊又諗住用賭波合法化賺番嚟啲錢，成立幫助病態賭徒嘅中心，呢個做法不嬲都被詬病。八方噚日出席呢個中心嘅簡介會，聽到何局長話無論係咪推行賭波合法化都好，個中心都一定會搞。
話時話，喺個簡介會度，有位自稱曾經係病態賭徒嘅陳先生去踩場，話呢個中心幫唔到病態賭徒。簡介會之後八方問佢點解咁講，估唔到佢好激動咁話：「何志平根本就係睜大眼講大話，佢話病態賭徒只係小數目，但係十八萬病態賭徒可以影響佢哋嘅朋友同家人，呢班人講緊係二、三百萬人呀！三百五十萬（中心一年的撥款）一年又點夠吖，三億都唔夠啦！」不過何局長當時已經走咗，冇回應。
傳真︰2623-9278
電郵︰