行為怪異的蔡楓華，又有驚人舉動，據悉近日他的住所廁所淤塞，蔡楓華為貪方便竟然在後樓梯便溺，導致臭氣熏天。原來蔡楓華此舉違反了公眾潔淨及防止防擾規例，可被罰款五千元。
立法會前日通過將垃圾蟲罰款由六百元提高至一千五百元，藉此重建香港清潔形象，然而蔡楓華卻大唱反調，近日他頻頻在住所梯間便溺，導致臭味熏天，引起街坊不滿。
日前讀者鍾先生致電本報，指蔡楓華入住的豪景花園第六座五樓單位近日廁所淤塞，由於他未有進行修理，為求方便，蔡楓華竟在住所樓梯間便溺，罔顧環境衞生。鍾先生說：「佢廁所塞咗又唔整，每朝早七點就見佢攞住盒紙巾，走去對面停車場嘅洗手間方便，但好多時佢唔想走到咁遠，就咁喺後樓梯小便，搞到後樓梯又臭又餲，真係好冇公德心好討厭！我哋曾經同大廈管理處投訴，佢哋都奈佢唔何，惟有貼張告示出嚟提醒啲人唔好喺度小便。」
記者昨日到蔡楓華居住單位附近查看，發現六座五樓梯間張貼了「嚴禁便溺」的告示，而整座大廈就只有他的寓所鄰近梯間有張貼告示，明顯是衝着蔡楓華而來，而記者曾按蔡楓華住所門鈴，但無人應門。
及後記者向該大廈住客了解，一位中年主婦表示曾目睹蔡楓華在後樓梯小便，她說：「見過佢兩、三次啦，但呢排冇見過佢啦！」至於該大廈保安人員則說：「間唔中都有見佢攞住盒紙巾走去對面停車場，我亦聽啲清潔阿嬸講過，話六座五樓後樓梯有尿迹，有人講話見過佢喺後樓梯小便，但我上到去又見唔到佢，冇證冇據唔可以亂講。」不過，該保安人員表示近期已甚少見到蔡楓華的蹤影。
據悉，蔡楓華此舉違反了公眾潔淨及防止防擾規例，處分較垃圾蟲隨地拋垃圾更嚴重，初犯者會被票控並罰款五千，再犯則判罰一萬。
採訪、攝影：娛樂突發組、戴彩煥、何永寧
