黃伊汶的母親數年前用約一千八百萬，購入何文田帝庭園一單位，現在慘變負資產。黃伊汶近日有意趁低吸納買樓送給母親，日前她往黃埔，參觀一市價約值四百五十萬的示範單位，認真孝順！
黃伊汶（Emme）現時居住何文田的帝庭園單位，其母親數年前在樓市高峯期，以高價約一千八百萬購入，及後樓價狂跌如水銀瀉地，其單位跌價超過一半，令黃母慘變負資產，孝順的Emme近日有意趁低吸納買樓，送給母親。
日前Emme在唱片公司同事及助手陪同下，前往黃埔參觀朗逸峯示範單位，其間她曾參觀一個面積約一千三百多呎、三房兩廳，市值約四百五十萬的單位，Emme對於主人房內的白毛毛大床喜愛不已，睇樓後，她便往附近的茶餐廳醫肚。
Emme說：「我𠵱家住緊層樓係供嘅，我希望趁低吸納，買層樓畀媽咪，佢養我咁耐，佢今次應該係斗零支出，唔使佢成日呻負資產，我覺得頭先睇嗰個單位幾好，樓底夠晒高。」
Emme目前仍與姊姊同住一房，她希望將來置業後，能擁有自己的空間，她說：「我同家姐同房，兩個女仔好多嘢，成間房好似貨倉咁，所以我好想自己一間房。」
Emme自言很喜歡睇樓，之前她已看過畢架山一號、貝沙灣、漾日居及君臨天下的示範單位，她笑說：「我成日都有留意啲新樓盤，一有時間就走去睇，𠵱家既然想買樓，梗係要慢慢睇，諗清楚至決定啦！」
採訪：朱芷瑩 攝影：何國豪
