奸妃代表李香琴講過，做奸角都要有條件，起碼要有個出眾外貌。銀幕上經常扮演奸角的郭羨妮（Sonija），演技是否出眾暫不作論，但豔麗無比則無可置疑。104磅配33B、24、34的身段，操到咁Fit原來唔使好辛苦，皆因佢話靠儀器就可以好舒服咁減去16磅，嗰日連攝影哥哥見到都話「索」！
記者：羅惠芬
攝影：梁細權
參選港姐前，Sonija的體重曾經去到130磅，名副其實大山婆一名。返港後她積極減肥，試過依減肥餐單進食、做運動、狂做家務等等。「嗰時真係全身瘦咗，連上圍都縮埋水！」但獲獎過後就開始鬆懈，身形也逐步上揚，甚至去到上年的120磅，簡直有件頭！
痛定思痛，Sonija終於決心減磅。𠵱家佢主要靠在SaSaBeauty+做瘦身療程減肥，包括Oxyspa、淋巴排毒推脂等。「做Treatment有人服侍，唔似節食做運動咁辛苦。最正係可以針對性瘦身，想瘦哪個位置都得，唔怕一減就全身縮水。」Sonija針對性減腰、PatPat、手臂和大腿，半年總共瘦咗24吋，體重下降至103磅，成績斐然！
除此，佢重有個瘦身秘訣：「每餐只食6成飽，煎炸食物一定用紙巾吸走油份。」
身邊唔少朋友都話：「郭羨妮對眼電力十足！」問她護眼貼士：「眼霜一定搽，EyeMask一定敷，不過最緊要心情開朗，雙眼成日笑，自然覺得靚。」
不用開工的日子，她會盡量唔化妝，即使化妝都只是掃上Mascara，令雙眼較有神采。「我鍾意簡單的妝容，黑色Mascara配粉紅色眼影，清淡自然，最襯我。」
中性膚質的Sonija得天獨厚，平日只做基本潔面護理程序便可。入行前當過空姐，長時間面對機艙乾燥問題，所以很有心得：「乘搭長途機唔好化妝，要搽水份高的護膚品和潤唇膏，每隔數小時就要潔面。千祈唔好在機艙內噴水份噴霧，只會愈噴愈乾。」
「以前我覺得白才是靚，所以搏命美白。近來反而愛上古銅色肌膚，感覺好健康，有機會都想去曬太陽。」但藝人始終不能太黑，尤其面孔更加係愈白愈好，所以Sonija的古銅美夢惟有擱置。「防曬我依然會做，因為紫外光對皮膚傷害好大，一定要小心護理。」她重提醒大家，出街帶一把防UV縮骨遮，可以避免曬黑。
查詢：
Neutrogena27363885
SaSaBeauty+29702188
L'Oreal28818330