中建電訊主席麥紹棠就劉德華前晚向傳媒發聲明，為近日接受訪問時提及有關中建或麥紹棠的言論道歉一事，昨日在律師及公關陪同下，在上環辦公室舉行記者會發言五分鐘，但不設記者提問時間。
麥紹棠說：「劉德華喺呢件事上面願意公開道歉，我覺得佢行咗正確嘅一步，可惜佢向傳媒發出嘅聲明，字眼上仍然有啲含糊，劉德華話假如報道引致誤會呢一句，係想畀自己一個機會。」
麥紹棠續說：「一個人做錯事嘅時候，唔係淨係講一句對唔住或者道歉就可以解決。今日劉德華已透過佢律師向我哋表示願意刊登道歉聲明，只要該道歉聲明內容能夠達到我哋合理要求，我哋原則上會接受佢道歉，唔再追究。」而劉德華方面昨稱暫不會就麥紹棠言論作任何回應。
此外，麥浚龍（Juno）昨日往尖沙嘴出席活動時，對其父麥紹棠為了劉德華再開記者會一事，Juno說：「唔知喎！其實講到我屋企人，我就唔係好開心，成件事都交畀啲大人同律師處理，而且我屋企人都唔係呢行，我唔鍾意濫用傳媒提到我屋企人。」問到他是否暗示劉德華時，他說：「唔係！我亦都唔係批評任何人。」
採訪、攝影：胡比