英女皇壽辰酒會，見到主教陳日君同孫明揚局長咬耳仔，兩個傾咗好耐，八方問主教有冇俾孫公說服？點知陳主教話：「點說服，佢係天主教徒。」
主教話其實啲市民都係俾政府迫上街嘅啫，如果政府肯讓啲步，好似押後二、三讀，相信就分分鐘少咗一半人上街。
葉劉淑儀就好風騷同八方講，佢冇俾班議員激親，唔知幾開心㖭。佢就開心得過，啲警察被人打甩牙，警隊二哥李明逵笑住話，佢特登派啲戴假牙嘅警察行beat，佢自己嗰副都係假，但想打佢就要跳高啲。
（圖）陳日君主教（右）同孫明揚局長密密斟，睇怕孫公冇辦法說服主教。
傳真︰2623-9278
電郵︰