中美對話基金執行董事康原（JohnKamm）最近返咗嚟香港，馬上搞到葉劉淑儀同區義國頭都大晒。
究竟呢個前美商會主席是何許人也？
睇吓舊年NewYorkTimesMagazine一篇詳盡報道就知佢厲害。呢位被視為中美兩地之間嘅人道問題高級傳話人，既可直達華府布殊總統嘅手下Craner（主管人權事務的助理國務卿克拉納），又同北京政府以至最高法院嘅官員都有偈傾。九○年即六四之後冇幾耐，喺飛返華盛頓就中國人權作證前，佢同當時中共駐港最高負責人周南同台祝酒，周多謝美國商人支持佢哋繼續享有最惠國待遇，佢老哥就乘機叫周釋放某個民運人士，周南即時面色一沉，但係大約一個月後，人放咗。
康原全心全意投入拯救中國政治犯嘅工作，係於九一年一次佢同一對剛獲釋嘅兄弟在港用膳，佢哋身上仍有傷痕，但話康原一介入，再冇畀人打。聽到呢句話，康原哭了。
（圖）康原
傳真︰2623-9278
電郵︰