港姐左慧琪、林敏俐、陳加玲、郭錦恩和葉璇等前晚到灣仔出席《變形俠醫》首映禮。
腹大便便的郭錦恩懷孕已九個月，她說：「我重有兩、三個星期就生得，肥咗二十幾磅。好彩今次唔係太辛苦，到時都會喺香港開刀生。」
問郭錦恩其子可會呷醋？她說：「佢不知幾開心，知道自己做大哥，將會有人陪佢玩。」郭錦恩又透露有不少纖體公司斟她做代言人，但她表示絕不急於拍廣告。
而陳加玲則與女性友人到場，她直認選擇男友的要求很高，至今未有合適人選，她說：「好難揀到男朋友，我由十八歲開始已經好奄尖，我要佢心地好，重要表裏合一。
「因為我細個試過俾人呃，有啲好靚仔，外表又四正，原來心地好差，所以𠵱家都係交朋友先，識耐啲先再諗。」
此外，英國倫敦杜莎夫人蠟像館昨日新添了變形俠醫蠟像，蠟像身高四米六、重達一點五噸，需由起重機將蠟像由屋頂送入館內。
採訪、攝影：IngridChan、LauTszYan
