鄭中基（Ronald）近排搞笑搞上癮，主動提議唱片公司再拍新碟廣告，並親自構思廣告內容。Ronald模仿鬼片《咒怨》中的情節，分飾鬼童和見鬼者，不過出來的效果當然是搞笑多於嚇人，令鄭中基的替身笑到碌地，須NG多次才成功。
鄭中基加盟金牌唱片公司後，首張專輯《唔該救救我》日前推出，該電視廣告亦於上周播出。
不過最近走搞笑路線的Ronald主動要求再拍多段廣告片，繼在首輯廣告中赤裸上身扮可愛後，今次則搞搞新意思扮鬼嚇人！
原來Ronald對鬼片《咒怨》留下極深印象，故此他在最新廣告中，模仿《咒》片數幕恐怖場面，如鬼童行近睡床和揭開棉被見到鬼童一幕，不過導演恐怕拍得太嚇人，未能通過電檢處，故要Ronald穿睡衣戴睡帽拍攝，緩和氣氛。
自參演賀歲片《行運超人》後，Ronald的搞笑本色甚獲讚賞。拍攝廣告時，導演找了男替身睡在床上，Ronald就做出多個搞笑表情。兩個男人距離這樣近，Ronald雖表示不尷尬，但替身一看到Ronald就忍不住笑。
Ronald說：「尷尬就冇，但係個替身覺得好好笑，本來二十分鐘就可以拍完，最後用咗兩個鐘。佢話好彩我唔肥，如果唔係『責』上去兩個鐘就好辛苦喇！」
另外，Ronald表示感激唱片公司落本拍多一段宣傳片，他說：「公司對我好好，肯幫我拍呢條片。其實今次除咗宣傳唱片外，亦想帶多啲歡樂畀香港人。」
Ronald續說：「香港人實在有好大壓力，而且工作多，有時連劇集都冇時間睇，真係好希望呢一分鐘嘅片可以帶多啲開心畀大家。」