原九人女子組合Cookies兩個月前剛飛起其中五餅，變成僅得四名成員的MiniCookies，但她們所屬的EMI唱片原來正籌備七月暑假時，舉行公開招募增添兩名新成員，以六餅陣容再出擊，可謂抄足日本Morning娘一貫的宣傳招數。成員Stephy、Theresa及Miki提出三大擇餅貼士，就是好記性、有衝勁及「咪頹」。
組合Cookies早前簽約黃栢高為經理人，隨着經理人轉變及高層陳輝虹入主所屬的EMI唱片公司後，兩個月前九餅「裁員」，由Stephy、Theresa、Miki及Kary組成MiniCookies。想不到四人陣腳剛定，EMI又計劃加添成員，打算增至六餅重新出擊。
EMI目前正與卡拉OK斟洽合作，於七月舉行全港招募大行動，物色兩名新成員加入Cookies，新選出的成員會先獲唱片公司安排受訓，但在受訓其間如表現欠佳，一樣有機被淘汰，改由後備參賽者補上。而且唱片公司更計劃在招募過程中若發掘到條件甚佳的參賽者，會簽約安排作獨立發展。
現時EMI對Cookies改組有多個方案，希望可如選港姐般，每年進行招募加入新成員，舊人則會作獨立發展或飛走，務求年年有新意。
日前Stephy、Theresa及Miki在深水埗接受本報訪問時，坦言曾聽聞Cookies再改組一事，她們說：「有聽過話招募成員，但詳情唔清楚。不斷有新意係好事，同啲新成員合作會有火花，況且之前一路都話Cookies係港版Morning娘，不嬲都keep住變㗎啦！」
問到她們有何擇餅條件？三餅即你一言我一語說：「要有衝勁有活力，千祈咪頹，重要記性好。佢唔使跳舞叻，因為可以學，跳舞係練番嚟嘅。」
採訪：朱芷瑩
攝影：陳志嵐
髮型：Jimmy（Chin.G）
化妝：Kris
服裝：AzonaAoz
