下星期一起，市民陸續換領智能身份證，噚日入境處專登向傳媒介紹吓呢張要陪伴大家十年嘅身份象徵，重特別講吓張大頭相點至影得靚靚，正當八方努力聽緊啲靚相貼士嘅時候，原本冇話會出現嘅入境處處長黎棟國突然現身，陪同佢出現嘅，有歌星李克勤，原來克勤答應義務幫入境處宣傳智能身份證，所以噚日入境處專登頒張感謝狀同埋一張「特大智能身份證」畀克勤。
黎處長好識做咁話：「李克勤喺百忙之中都抽空義務幫手宣傳身份證，真係『左麟右李』，有口皆碑！」咦，克勤好似籌備緊演唱會喎，處長咪有幫人賣廣告之嫌？但李克勤呢位大紅人今次肯免費幫手宣傳身份證，入境處都慳番唔少宣傳費啦。
（圖）李克勤（中）義務幫手宣傳智能身份證，入境處長黎棟國（左）就讚佢演唱會有口皆碑嚟回敬。
傳真︰2623-9278
電郵︰