一身春裝的MaggieQ昨日出任護膚品牌Dermalogica代言人，大談護膚心得。提到前緋聞男友中田英壽近日不斷的拍拖新聞，MaggieQ強調不欲多提，更指緋聞報道令她深受傷害，所以決心收藏私生活。
女星MaggieQ昨日以代言人身份，到灣仔出席護膚品牌Dermalogica新系列發布會。她以一身黑色波點迷你裙示人，性感撩人，但一舉手一投足都份外小心，以防春光乍洩。
MaggieQ透露今年夏天迷你裙大熱，所以已買入二十條迷仔裙，又勤做瑜伽、跑步keepfit，準備大晒美腿。
提到前緋聞男友、日本國寶足球員中田英壽近期多次俾偷拍得與不同國籍女子單獨約會，MaggieQ對此說：「我唔知，唔關我事，我都唔想知喎，唔理佢有朋友定女朋友，都同我無關，最緊要我自己開心。」
問MaggieQ與中田英壽有否聯絡？她說：「我唔想講我哋嘅關係，亦唔想多提咁多，nocomment（不願置評）。」MaggieQ坦言與中田英壽的緋聞令她不敢再公開提及私事，她說：「因為成日有人亂講，我唔想同公眾分享我嘅私生活，成七百萬人一齊講、批評你，感覺好受傷害。有啲報道完全唔理我嘅感受，令我好upset，失望嘅程度係令我好難復元。」
而早前MaggieQ參演的電影《赤裸羔羊》推出VCD，封面相中的她經電腦效果改成裸禮，對此她無奈地說：「好嬲！因為我從來冇影過，影咗我就唔介意，不過嗰間公司係我老闆嘅，唔可以告佢哋，冇辦法，惟有反映吓。」她又透露首次出任製作人的新書及月曆系列進度不俗，計劃九月面世。
採訪：JessicaNgan
攝影：JerryYan