話都冇咁快，拗咗幾年嘅村代表選舉下月正式開始，不過咁唔代表一切都會順風順水，鄉議局主席劉皇發噚日同八方傾開偈，就為村民一啲傳統選舉習慣頭痛，因為佢哋非常人情味濃，閒來鍾意請人食飯飲茶，可以話飲慣食慣。但係今次選舉，ICAC實執正嚟做，如果有人因為敬老，送咗隻雞畀一個有意參選嘅長老或者親戚，雖然唔係有心舞弊，但係都好容易誤墮法網。
雖然話全香港咁多條村，ICAC未必昅到咁多條，但係萬一有人有心裝彈弓，爆黑幕都好容易。發叔都話冇辦法，特別係元朗最多人參選，爭位爭到暈，而且正所謂「村大有乞兒，樹大有枯枝」，發叔呼籲大家，做人最緊要安份守己就冇問題。
傳真︰2623-9278
電郵︰