張文慈前晚出席新戲首映，提起好友張慧儀疑遭未婚夫毆傷一事，氣憤難平，她聲言鄙視打女人的男人。至於霍紹裘質疑張慧儀精神有問題，張文慈質疑地說：「或者係俾佢迫儍㗎呢？」
張文慈、黃秋生、王晶、Twins、梁敏儀及陳小春等前晚到銅鑼灣時代廣場出席新戲《黑白森林》首映禮。
打扮漂亮的張文慈，心情卻不太好，她提到好友張慧儀疑遭未婚夫霍紹裘打傷一事，不屑地說：「慧儀同佢（霍紹裘）拍拖係自己揀嘅，當時佢（張慧儀）好投入，我冇畀意見。但男人打女人就唔啱，我好鄙視呢個男人，如果有男人打我，除非佢打死我，唔係我實同佢死過。
「點壞嘅男人都有修心養性嘅一日，我都望佢會為慧儀修心養性，但佢唔係囉。」張文慈表示張慧儀曾有數次找她當伴娘，但她不希望張慧儀與未婚夫和好，她說：「我希望佢會醒，快啲復原，佢每次都傷得好深。」
至於霍紹裘前日接受電台訪問時，質疑張慧儀精神是否有問題，張文慈謂：「點都唔應該打女人，唔啱咪分開囉，咁講女人，都唔知係咪男人嚟㗎。我唔清楚內情，或者慧儀係俾佢迫儍㗎呢？」
此外，前晚有傳陳冠希會前來捧場，但最終他都未有出現，王晶透露他正開拍投資一千萬的新戲《絕種鐵金剛》由梁家輝、陳小春、葛民輝及杜汶澤合演，鍾欣桐（阿嬌）和陳冠希這對緋聞情侶更會再次合作，在戲中扮演同學，還有感情戲份。問王晶安排陳冠希與阿嬌合作會否尷尬？王晶笑謂：「拍戲啫。」阿嬌則說：「我唔怕傳緋聞喎，傳啫嘛。我亦唔知佢（陳冠希）會嚟捧場喎，我未見到佢。」
陳小春則透露他在《絕》片中有如占士邦一樣，有不少美女包圍他，余安安及Rosemary都是邦女郎，前者更會穿三點式登場。小春說：「香港法例規定直升機唔可以停喺沙灘，但我哋申請咗拍戲，我會係第一個揸直升機降落沙灘嘅人。」
採訪：何永寧
攝影：陳慧安
