發起「醫學界七一民主行動」遊行嘅其中三位醫生郭家麒、史泰祖同謝鴻興，噚日喺記者會上批評立法會嘅醫學界代表勞永樂，喺二十三條問題上冇諮詢過業界，結果要由佢哋等五位醫學功能組別選民，自己向其他醫生諮詢。
至於勞永樂對二十三條應投乜嘢票，佢哋就叫勞醫生千祈唔好投棄權票，有猶豫時應問吓業界，再唔係就憑良心投票。勞醫生就回應話，會同佢嘅智囊商討。
勞永樂又呼冤，強調自己其實做咗好多嘢，包括年初時寄信畀全港萬幾個醫生同牙醫，叫佢哋多啲提出意見，可惜只有約一百人回覆，佢話業界根本唔係太關心；之後爆發沙士，佢掛住救人，冇時間兼顧咁多嘢喎。
（圖）勞永樂呼冤，話自己其實為二十三條做過好多嘢。
傳真︰2623-9278
電郵︰