跟肥媽學煮餸，順手學埋做人的道理──靈活變通。九個住家餸，有涼拌有煎炸，唔使碟碟都向高難度挑戰，下下人有你無，留個位畀自己走盞，簡單如鮮果沙律，慳時間又易煮，開胃搶眼，人人爭住食；香口如炸鵪鶉和京葱爆羊肉，加啲鑊氣，入口惹味，一家大細都鍾意。除此以外，肥媽亦大聲叮囑：「去街市買餸，一定要講價，唔講價點叫街市！」
記者：楊一凡
攝影：梁細權
肥媽煮餸叻又快手，因為她經常要諗計𠱁仔女返屋企食飯，這位廿四孝媽媽話：「唔煮好餸，唔諗新餸，點引佢哋返來屋企食飯？有次我個仔半夜想食蛋糕，我即刻焗個畀佢食，佢拿拿臨Call班Friend嚟屋企，我煮得幾開心！明明得十幾人食，都煮咗三十幾人嘅份量。廚房設備齊，我喺花園種埋薄荷葉、玫瑰同香草，煮乜都得，我當啲『架生』係嫁妝㗎，哈哈。」
「灣仔街巿凍肉平，土瓜灣買海鮮抵，不過都唔及元朗，十蚊三條大紅衫，咁抵！」精打細算的肥媽說：「我熟到幫人揀餸㗎，街巿買咩都平，兩個薯仔加五蚊免治牛肉，已夠你煎一大碟薯仔牛肉餅；橙皮、檸檬皮同青檸皮係我入廚至愛，煮咩都香。但講到底，入廚要花心思，同埋多啲問人，我出街食飯，遇着好食，實會問廚師：『師傅，點煮㗎？好好味喎。』傾吓買吓試吓，好易上手。」
1.葡式煮銀鱈魚尾 $5
2.炸鵪鶉 $20(鵪鶉兩食)
3.鵪鶉淮山煲湯
4.京葱羊肉 $12
5.鮮果沙律 $10
6.煎雞胸卷 $15
7.免治牛肉球 $10
8.菲律賓式煎茄子 $4
9.肥媽黃薑飯 $10
自煮價：$15
肥媽臨時變陣，以雞胸代替雞翼，轉數快的肥媽又有新嘢：「唔包牛油可以包芝士，你鍾意發霉芝士又好，夾有香料的芝士亦得，再唔係四條捲唔同嘅芝士餡都無所謂，總之發揮自己的創意。」
用咩料：
雞胸肉 4塊
牛油 4片
葱 一條
芫荽 少許
麵粉 半碗
麵包糠 少許
雞蛋 2隻
自煮價：$12
改良了京菜炒羊肉的油膩，以港式的鑊氣搭夠，碟底乾身，重點是爆香蒜茸、香茅和葱段，令菜式變得更惹味，肥媽提議，若想味道更上一層樓，不妨加紅椒絲同炒。
用咩料：
鮮羊肉 一包
京葱 一條
蒜頭 一粒
香茅 適量
薄荷葉 適量
自煮價：$4
又是一道即日鮮的即興菜式，肥媽隨意的說：「今日去街巿，見茄子好新鮮，四大條賣六蚊，我要兩條算啦。」
用咩料：
茄子 2條
蛋 1隻
葱花 適量
鹽和胡椒 少許