「傷健共容，藝術同享」，馬會撥出二千七百幾萬畀康復諮詢委員會，支持佢哋一個為期五年嘅先導計劃，鼓勵傷殘人士發展文化同藝術嘅終身興趣。
其實殘疾人都可以談談情、跳跳舞。作為「賽馬會藝力顯光華」嘅頭炮節目，國際聞名嘅「中國殘疾人藝術團」噚日開始，一連五晚喺文化中心舉行表演。五十幾個失明、失聰、智障同肢體傷殘人士大顯身手，除咗做出倒立、打觔斗高難度動作外，重載歌載舞，場面非常熱鬧。
全晚高潮之一係十名聾啞女仔表演「千手觀音」，佢哋配合節拍強勁音樂跳舞，台下觀眾睇到如癡如醉，非常感動。鑑於部份表演者係弱聽人士，聽唔到觀眾掌聲，大會就安排每名入場人士攞一支螢光棒，揮動時當係拍手，等佢哋睇到。
聽講老董今日見完世衞總幹事布倫特蘭後，都會去文化中心捧場。
（圖）有份出席噚日表演嘅鄔維庸話，身體殘障嘅人都可以做到咁高難度動作，香港人應該好好學習佢哋嘅毅力。
傳真︰2623-9278
電郵︰