早輪，本田運嚟全新Accord車系，響SARS疫潮降溫下，銷量亦見逐步回升，至今大約賣出近百部；惟頂級版Accord3.0V6型號，由於重未有右軚出口版新車，故短期內就會跟車迷緣慳一面喇！然而，近日響日本面世嘅Facelifted新版Stepwgn，稍後會引入香港嘅消息可謂甚囂塵上，雖然至今仍未得代理證實，惟亞Mark認為若然引入呢部改配跟Accord相若2.4公升i-VTEC偈嘅新版Stepwgn的話，大可另闢新戰線，去抗衡豐田Previa及日產Serena2.5型號，畀多一款MPV給用家選擇嘅同時，亦可給自己多一條銷售渠道，何樂而不為呢？