陳慧嫻前晚到新城電台接受訪問，透露近日為準備演唱會感到很大壓力，她說：「我冇失眠，但係塊面生咗好多粒粒，經理人已經成日煲燕窩畀我食，男友就畀嘢我搽。」
慧嫻表示平時很少時間見醫生男友，不過近日喉嚨不適，經過男友診所便順道找他免費治理，不過平時有病痛則不會幫襯男友，她說：「我唔睇佢㗎，咁親嘅人唔客觀，我同家人都有自己嘅家庭醫生。」
慧嫻又謂其父從未見過她的男友，她說：「我老竇好似《呷醋外父》中嘅老竇咁，佢覺得我冇一個男友會對我好過佢對我，佢冇承認過我啲男友，所以我咪嫁唔出囉，其實佢好保護我嘅。」慧嫻透露胞妹已結婚移民兼生了小孩，但其父還以為小孩隨她姓陳。
採訪、攝影：駱華齡