年屆七十一歲的獨居長者陳婆婆，晚年靠領取微薄綜援金維生，節衣縮食，一直無力購置雪櫃及電視機等基本家庭電器。
陳婆婆近月獲房屋署分配公屋單位，得以改善居住環境及減輕屋租負擔，但她缺乏雪櫃冷藏食物，沒有電視機收看節目，生活甚感不便和孤苦。白髮蒼蒼的陳婆婆歎道﹕「搬嚟呢度住之後，冇雪櫃用好唔方便，因為呢個屋邨離街市好遠，我又年紀大，好難再日日行幾條街去街市買餸，試過將食剩嘅餸菜留過夜，結果啲餸全部變壞，好浪費！」
陳婆婆原籍台山，早年隻身來港謀生，數十年來靠做製衣廠包裝女工應付生計，刻苦耐勞；近年始因體弱多病被迫退休，依靠綜援過活。「人老咗，手腳動作慢，自然再冇人請做工囉！」陳婆婆說。她退休後患血壓高，每日需定時服藥，又因腸胃容易不適，必須注意飲食衞生。
刻下，陳婆婆需要一部雪櫃存放食物，並盼有電視機在家中解悶，「最緊要有部雪櫃畀我放食物，我唔貪心，只要有部唔嘥電嘅細雪櫃畀我就可以。」陳婆婆由衷地說，你願意捐助她改善生活嗎？
捐款編號﹕C0992
暖流熱線
電話：29908688
傳真：23702192
電郵：
網址：