「𠵱家真係我人生最低潮，從來未試過咁嘅際遇，好似走到絕路咁。」失業近四個月的阿兆搖頭歎息道。
四十歲的阿兆，原本在酒店任職侍應生，薪金連同花紅，每月約有八千元收入，三餐總算安穩。可是，近年旅遊業不景氣，酒店生意大受影響，阿兆今年頭已被公司減薪，薪金更由月薪被迫轉作日薪計；二月尾更接獲公司「大信封」，無奈加入失業大軍。
單身的阿兆，連月來積極尋找工作，但礙於學歷，加上已「一把年紀」，令他每次見工都碰壁而回。「人哋一聽到我成四十歲，已經暗示我『超齡』，而且我得中三程度，好難同啲後生仔女競爭。」
在這段失業的日子，阿兆連租金也無法應付，一度露宿街頭，十分潦倒。「試過喺公園瞓咗一個月，三餐都係靠呢度借嗰度借，但我冇諗過求政府，因為我諗住自己有手有腳，一定搵到工。」可惜事與願違，經歷過三天沒有飯吃的阿兆，最終還是向現實低頭，他早前已向社會福利署求助，並於本月獲發二千七百餘元的綜援金。
雖然生活得到基本的保障，但阿兆仍然為一筆「上樓」費憂心。「𠵱家租屋，全部都要畀上期、按金，租一間千幾蚊嘅房仔，夾夾埋埋就要畀二千幾蚊，社署喺呢方面又冇額外津貼，𠵱家我租咗屋就開唔到飯，都唔知點算。」阿兆一臉為難地說。
蘋果日報慈善基金有見阿兆的情況，撥款一千五百元予他暫度難關。
捐款編號：C0993
暖流熱線
電話：29908688
傳真：23702192
電郵：
網址：