理工大學昨日假洲際酒店舉行時裝設計比賽，由時裝設計師馬偉明及楊其彬等擔任評判，李燦森前女友Carrie亦有份演出。
Carrie表示與李燦森已分手多月，雙方是和平分手，對於李燦森與另一模特兒洪樺拍拖，Carrie說：「佢哋嘅事我唔想講，我都識得洪樺，但就唔熟，我諗第時見到面都唔會尷尬，總之我𠵱家想生活得簡簡單單啦。」
而早前被業主追收欠租的馬偉明，坦承SARS後，生意更難做，他說：「我已經準備執咗中環同尖沙嘴其中一間舖，因為真係負擔唔起貴租，好似中環Galleria間舖，月租要十幾萬，淨係管理費都要一萬八千蚊，喺出面平平哋都租到間舖啦。」
採訪、攝影：RitaLeung
