向來以製造超級跑車，而聞名於世嘅林寶堅尼，較早前推出嘅一款全新Gallardo車系，憑着其全新造型及出色性能表現，而深受全球車迷歡迎；最近外國方面就有消息傳出，話廠方正有意為Gallardo推出開篷版，並有望於2005年底面世㖭！
從預想圖中可以睇到，呢款Gallardo開篷版造型與現有硬頂型號相近，依舊望落極具高性能跑車氣息；該消息亦指出，新車車廂布局會與硬頂型號相近，並沒有作出多大改動，當然唔少得重有一雙跑車桶形座椅，以及齊全車廂設備啦！同時，預計全新Gallardo開篷版將會採用一台5.0公升V10引擎，馬力輸出高達500匹，並輔以6前速手動波箱，0至100公里加速度僅需約4.0秒，而極速可高達290km/h咁快㖭！