黃霑在下月舉行的演唱會已邀請了葉蒨文任嘉賓，創作總監高志森和製作總監蕭潮順就舞台會否裝置升降台意見分歧，最後黃霑決定無需葉蒨文用升降台出場及表演，以免因林子祥失足跌落升降台一事對她構成陰影。
由東亞娛樂和恆藝亞洲合辦的黃霑「學者靈芝黃霑獅子山下演唱會」，將於下月十八和十九日在紅館舉行，據悉黃霑已邀請葉蒨文出任嘉賓，由於葉蒨文的丈夫林子祥早前在汪明荃的演唱會上失足跌落升降台，撞傷頭部，令黃霑個唱創作總監高志森和製作總監蕭潮順就應否有升降台一事意見分歧。
高志森認為應該顧及藝人安全，簡化整個舞台設計，建議演唱會取消升降台，而蕭潮順則認為以製作角度來講，演唱會應該有升降台以增加可觀性，兩人爭持不下，最後交由黃霑決定。黃霑亦一度為此事而煩惱，他認為有升降台現場氣氛自然較佳，經過詳細考慮後，黃霑決定保留這個舞台裝置，不過葉蒨文不會利用升降台表演，以免對她構成心理陰影。
蕭潮順昨日接受本報電話訪問時說：「關於升降台嘅問題，我哋𠵱家重研究緊，我覺得唔可以因為一次意外，就乜嘢製作都冇晒，其實今次演唱會，都只係會有一至兩個升降台，高志森驚沙麗（葉蒨文）有心理陰影，我同沙麗合作咗好多年，知道佢係好專業嘅藝人，覺得呢件事應該分開兩樣嘢嚟睇，但當然我都尊重霑叔嘅意見，始終嘉賓係佢請返嚟。」
蕭潮順續道：「𠵱家睇吓個設計圖畫出嚟先啦，睇吓有冇其他解決方法，安全措施做足啲，例如工作人員通知藝人小心啲，又或者喺升降台側邊整啲螢光燈，加強提示。」
採訪：張止寒、蔡如玉
