八方噚日收到風，話政府《基本法》網頁嘅討論坊，前晚被大量反對二十三條立法嘅訊息攻陷，八方好奇之下，即刻上網睇吓係咪真有其事，果然討論坊網頁嘅中英文版，都分別打出「網頁維修進行中」（圖）及「Undermaintenance」字樣。
政制事務局承認，網頁前晚因為負荷過重，要喺噚日早上作出維修，𠵱家都重未知要整幾耐。八方當然反對二十三條立法，但係做電腦黑客攻陷政府網頁，始終係犯法嘅事，如果大家要表達反對意見，不如喺七月一號嗰日，帶定件黑色T恤，齊齊參加大遊行表達不滿。
傳真︰2623-9278
電郵︰