財經事務及庫務局局長馬時亨前個禮拜同一班沙士孤雛去海洋公園，俾《蘋果》影咗相，噚日八方見到馬局長，佢第一句就話：「我去海洋公園係topsecret，乜你哋咁都知？係咪日日喺海洋公園『伏』我呢？」當然唔係啦，邊度有咁多人手吖；不過話係偶遇亦冇人會信，總之就唔係有公務員「洩露機密」。
馬時亨話，班小朋友嗰日玩得好開心，佢哋已經約定秋天一齊去郊野公園燒嘢食。原來當日局長同班小朋友食兒童餐，佢發覺有個男仔好鍾意食雞翼，於是讓埋自己嗰隻畀佢不特止，重相約秋涼去燒雞翼喎。
傳真︰2623-9278
電郵︰